By Village Missionary Movement

Sunday, 17-Nov-2024

దిన ధ్యానము(Telugu) 17.11.2024 (Kids Special)

 

అంశం: మంచి ఔషధం

 

ప్రత్యేకంగా చిన్న పిల్లల కొరకు:-

 

"దేవుడు నా ప్రార్థనను త్రోసి వేయలేదు నా యొద్ద నుండి తన కృపను తొలగింపలేదు; ఆయన సన్నుతింపబడును గాక" - కీర్తనలు 66:20

 

ఎనిమిదో తరగతి చదివే ప్రభు ఎప్పుడూ విషాదముఖంతో ఉండేవాడు. స్కూలుకెళ్తున్నపుడూ మధ్యాహ్న విరామంలోనూ, ఆటల సమయంలోనూ కూడా కళ్ళు చెమ్మగిల్లి ఉండేవి. అతని ముఖంలో ఆనందం అస్సలు కనిపించేది కాదు. దానిని చూచి కొందరు అతనిని "హేళన చేసేవారు . అది కూడా అతనికి బాధ కలిగించేది. ప్రియమైన చిన్నారులారా! ఎవరికైనా కష్టాలు ఉంటే, వారిని ఓదార్చేలా మాట్లాడాలి. మరింత బాధ పెట్టేలా మాట్లాడకూడదు. సరేనా పిల్లలు? 

 

ఒకరోజు ఆటపాటల పీరియడ్‌ వచ్చింది. అందరూ ఆడుకుంటూ సరదాగా ఉండగా, ప్రభు మాత్రం ఒక చెట్టు కింద దుఃఖంగా కూర్చున్నాడు. ప్రభు క్లాస్‌మేట్ రవి, అతని దగ్గరకు వచ్చి, "ప్రభూ, ఎందుకూ ఎప్పుడూ బాధగా ఉంటావు? రార మనం కలిసి ఆడుకుందాం," అని అడిగాడు. "నేను రాను. నువ్వు వెళ్లి ఆడు," అని ప్రభు చెప్పాడు. రవి పిటి సార్‌ దగ్గరకు వెళ్లి ప్రభు ఏడుస్తున్న విషయాన్ని చెప్పాడు. సార్ చెట్టు దగ్గరకు వచ్చి, ప్రభు యొక్క కన్నీళ్లు తుడిచారు. ప్రేమపూర్వకంగా మాట్లాడటం మొదలుపెట్టారు. ప్రభు తన మనసులోని బాధను సారుకు చెప్పడం ప్రారంభించాడు. "సార్, మా నాన్న రోజూ మద్యం తాగి, నన్ను, మా అమ్మను కొడతారు. డబ్బులు ఏమి ఇవ్వరు. మా అమ్మ కూడా కొట్టించుకుని అస్వస్థగా ఉంటారు. నాకు ఇంటికి వెళ్లడం అస్సలు ఇష్టంలేదు," అని చెప్పి ప్రభు ఏడ్వడం ప్రారంభించాడు.

 

"ఇలా ఏడుస్తూ ఉంటే ఏమీ జరగదు. నేను నీకు ఒక ఔషధం ఇస్తాను. అది వాడితే నువ్వు బాగుపడతావు," అని సార్ చెప్పారు. "సార్, దయచేసి చెప్పండి. వెంటనే మా నాన్నకు ఇస్తాను," అని ఆశతో ప్రభు అడిగాడు.

సార్ నవ్వి, "ఆ ఔషధం ప్రార్థన," అని చెప్పారు.

 

ఇంటికి వెళ్లిన ప్రభు ఆ ఔషధాన్ని వాడటం ప్రారంభించాడు. కొద్ది రోజుల్లో ఫలితం కనిపించడం మొదలైంది. స్కూలుకి వచ్చే ప్రభు ఆవిషాద ముఖం జాడ కనిపించలేదు. చిరునవ్వుతో స్కూలుకి వచ్చిన ప్రభు, సార్‌ను చూచి, "మీరు చెప్పిన ఔషధం అద్భుతం సార్!" అని ఆనందంగా చెప్పాడు.

"రోజూ వాడుతూఉండు," అని సార్ చెప్పి వెళ్ళిపోయారు.

 

రాత్రివేళల్లో ప్రభు కన్నీళ్లతో తన నాన్నకోసం ప్రార్థన చేయడం ప్రారంభించాడు. ఒక రాత్రి, ప్రార్థన తర్వాత విందుకు వచ్చాడు. నాన్న కళ్ళు చెమ్మగిల్లి ఉన్నారు. "బాబూ, నేను దేవునిని ఎన్నడూ తలుచుకోలేదు. కానీ నువ్వు నా కోసం ఇంత కాలం ప్రార్థన చేస్తున్నట్టు చూశాను. నీ ప్రార్థన నా మనసును మార్చింది. ఇకపై నేను మద్యం తాగను," అని నాన్న చెప్పారు. ఆ మాటలు విని ప్రభు, అతని తల్లి చాలా సంతోషించారు. కుటుంబ ప్రార్థన అనే ఔషధాన్ని వాడటం ప్రారంభించారు. వారి ఇంట్లో సంతోషం, సమాధానం అనే సువాసనలు వ్యాపించాయి.

 

ప్రియమైన చిన్నారులారా! మీ నాన్న మద్యం తాగుతున్నారా? మీ కుటుంబంలో పేదరికంలో ఉందా? లేదా అప్పుల సమస్య ఉందా? మీరు విచారంగా ఉన్నారా? అయితే, ప్రార్థన అనే ఔషధాన్ని వాడి చూడండి. మీరు ఊహించనంత అద్భుతం జరుగుతుంది. నమ్మినట్లయితే, ఒక "హల్లేలూయా" చెప్పండి!

- శ్రీమతి. జీవా విజయ్ గారు

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250