By Village Missionary Movement

Monday, 20-Jan-2025

ಧೈನಂದಿನ ಧ್ಯಾನ(Kannada) – 20.01.2025

 

ಕಲ್ಲುಗಳನ್ನು ತೆಗೆದುಹಾಕಿ.

 

 "...ಕಲ್ಲುಗಳನ್ನು ತೆಗೆದುಹಾಕಿರಿ..." - ಯೆಶಾಯ 62:10

  

ಕ್ರಿಸ್ಟಿ ಒಂದು ಸುಂದರವಾದ ಗುಲಾಬಿ ಗಿಡವನ್ನು ತೆಗೆದುಕೊಂಡು ಬಂದು ಒಂದು ಕುಂಡದಲ್ಲಿ ನೆಟ್ಟಳು. ತಿಂಗಳುಗಳು ಕಳೆದವು. ಗುಲಾಬಿ ಗಿಡದಲ್ಲಿ ಒಂದು ಸಣ್ಣ ಚಿಗುರು ಸಹ ಕಾಣಲಿಲ್ಲ. ಕ್ರಿಸ್ಟಿಗೆ ಏಕೆ ಎಂದು ಅರ್ಥವಾಗಲಿಲ್ಲ. ಅವಳು ಆ ಗಿಡವನ್ನು ತನ್ನ ತಾಯಿಗೆ ತೋರಿಸಿದಳು. ತಾಯಿ ಗಿಡ ನೆಟ್ಟಿದ್ದ ಕುಂಡದಲ್ಲಿ ಹಲವು ಕಲ್ಲುಗಳಿರುವುದನ್ನು ಕಂಡು, ಎಲ್ಲಾ ಕಲ್ಲುಗಳನ್ನು ತೆಗೆದು, ಪಾತ್ರೆಗೆ ಉತ್ತಮ ಕೆಂಪು ಮಣ್ಣು ತುಂಬಿಸಿ, ಗೊಬ್ಬರ ಹಾಕಿ, ಮತ್ತೆ ಗಿಡ ನೆಟ್ಟರು. ಮುಂದಿನ ತಿಂಗಳು, ಗಿಡ ಚೆನ್ನಾಗಿ ಬೆಳೆದು ಸುಂದರವಾದ ಹೂವುಗಳು ಅರಳಿದವು.

   

ನಮ್ಮ ಆಧ್ಯಾತ್ಮಿಕ ಜೀವನದಲ್ಲಿಯೂ ಅನೇಕ ಕಲ್ಲುಗಳಿವೆ, ಅವು ದೇವರು ದ್ವೇಷಿಸುವ ಪಾಪಗಳಾಗಿರಬಹುದು, ಕರ್ತನಿಗೆ ಇಷ್ಟವಿಲ್ಲದ ವಿಷಯಗಳಾಗಿರಬಹುದು. ಈ ಪಾಪಗಳು ನಮ್ಮನ್ನು ಕರ್ತನಲ್ಲಿ ಬೆಳೆಯದಂತೆ ತಡೆಯುತ್ತಲೇ ಇರುತ್ತವೆ. ನಾವು ಕಹಿತನ, ಅಸೂಯೆ, ಕ್ಷಮಿಸದಿರುವಿಕೆ ಮತ್ತು ಅಸೂಯೆಯಂತಹ ಪಾಪಗಳನ್ನು ತೊಡೆದುಹಾಕಿದಾಗ, ನಮ್ಮ ಆಧ್ಯಾತ್ಮಿಕ ಜೀವನವು ಸುಂದರವಾಗಿ ಬೆಳೆಯುತ್ತದೆ, ಅರಳುತ್ತದೆ ಮತ್ತು ಪರಿಮಳಯುಕ್ತವಾಗಿರುತ್ತದೆ. ನಾವು ಕೂಡ ಇನ್ನೂ ಅನೇಕರಿಗೆ ಆಶೀರ್ವಾದವಾಗಿ ಬದಲಾಗುತ್ತೇವೆ.

          

ದೇವರು ನಮ್ಮನ್ನು ಬಹಳ ಫಲಕೊಡಲು ಕರೆದಿದ್ದಾರೆ. ಫಲ ನೀಡುವುದನ್ನು ತಡೆಯುವ ವಿಷಯಗಳನ್ನು ನಮ್ಮ ಜೀವನದಿಂದ ತೆಗೆದುಹಾಕಲು ನಾವು ಪ್ರತಿದಿನ ಶ್ರಮಿಸೋಣ. ಆದರೆ ಒಂದು ವಿಷಯವನ್ನು ಅರ್ಥಮಾಡಿಕೊಳ್ಳಬೇಕು. ನಮ್ಮ ಸ್ವಂತ ಶಕ್ತಿ ಮತ್ತು ಪ್ರಯತ್ನದಿಂದ ಮಾತ್ರ ನಾವು ಇದನ್ನು ಸಾಧಿಸಲು ಸಾಧ್ಯವಿಲ್ಲ. ನಮಗೆ ಪವಿತ್ರಾತ್ಮನ ಶಕ್ತಿ ಬೇಕು. ಉದಾಹರಣೆಗೆ, ಯೇಸುವಿನ ಶಿಷ್ಯನಾದ ಪೇತ್ರನ ಜೀವನದಲ್ಲಿಯೂ ಕೆಲವು ಕಲ್ಲುಗಳು ಕಂಡುಬಂದವು. ಸ್ವಂತ ಶಕ್ತಿಯನ್ನು ನಂಬಿದ್ದು ಮತ್ತು ಕೋಪದಿಂದ ಕೆಲವು ಕೆಲಸಗಳನ್ನು ಮಾಡಿದ್ದು ಇವೆಲ್ಲವೂ ಸಹ ಕಲ್ಲುಗಳಾಗಿ ಇದ್ದವು. ಇದರಿಂದಾಗಿ ಅವರು ಜೀವನದಲ್ಲಿ ದೊಡ್ಡ ವೈಫಲ್ಯಗಳನ್ನು ಎದುರಿಸಿದರು. ಆದರೆ ಆ ದಿನದಿಂದ, ಅವರು ಪವಿತ್ರಾತ್ಮನ ಅಭಿಷೇಕವನ್ನು ಪಡೆದುಕೊಂಡಾಗ, ಅವರು ತನ್ನ ಮೇಲೆ ಅಲ್ಲ, ದೇವರ ಶಕ್ತಿಯ ಮೇಲೆ ಅವಲಂಬಿತರಾಗಿ ಯಶಸ್ವಿ ಜೀವನವನ್ನು ನಡೆಸಿದರು. ನೀವು ಇನ್ನೂ ಪವಿತ್ರಾತ್ಮನ ಅಭಿಷೇಕ ಮತ್ತು ಪೂರ್ಣತೆಯನ್ನು ಪಡೆಯದಿದ್ದರೆ, ಇಂದು ಅದನ್ನು ಸ್ವೀಕರಿಸಲು ಕರ್ತನನ್ನು ಕೇಳಿ. ಕೇಳುವ ಪ್ರತಿಯೊಬ್ಬನೂ ಹೊಂದಿಕೊಳ್ಳುವನು. ನಮ್ಮ ಸ್ವಂತ ಶಕ್ತಿ ಮತ್ತು ಪ್ರಯತ್ನದಿಂದ ನಾವು ಮಾಡಲು ಸಾಧ್ಯವಾಗದ್ದನ್ನು ಪವಿತ್ರಾತ್ಮನು ಮಾಡಿ, ನಮ್ಮನ್ನು ಫಲಕೊಡುವವರಾಗಿ ಮಾರ್ಪಡಿಸುತ್ತಾರೆ. ನಾವು ಪ್ರಯತ್ನಿಸದೆ ಇದು ನಡೆಯುವುದಿಲ್ಲ. ಹೌದು, ಆತ್ಮನ ಸಹಾಯದಿಂದ ನಮ್ಮ ಜೀವನದಲ್ಲಿರುವ ಕಲ್ಲುಗಳನ್ನು ತೆಗೆದುಹಾಕಲು ಶ್ರಮಿಸೋಣ. ಕರ್ತನು ನಮ್ಮನ್ನು ಆಶೀರ್ವದಿಸಿ ಇತರರಿಗೆ ಆಶೀರ್ವಾದಕರವಾಗಿ ಮಾರ್ಪಡಿಸುತ್ತಾರೆ.

- Mrs. ವಿಮಲಾ ಅಬ್ರಹಾಂ

 

ಪ್ರಾರ್ಥನಾ ಅಂಶ:

ನಮ್ಮ ರಾಕ್‌ಲ್ಯಾಂಡ್ ಬೈಬಲ್ ಕಾಲೇಜಿನಲ್ಲಿ ಓದುತ್ತಿರುವ ಮಕ್ಕಳು ಹರಿತವಾದ ಆಯುಧಗಳಾಗಿ ರೂಪಿಸಲ್ಪಡುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482