By Village Missionary Movement

Sunday, 26-Jan-2025

దిన ధ్యానము(Telugu) 26.01.2025

 

అంశం: తాతగారి గొడుగు

 

"యెహోవా నాకు మహోపకారములు చేసియున్నాడు నేను ఆయనను కీర్తించెదను" - కీర్తనలు 13:6

 

సాయంత్రం రాము అన్నయ్య పాఠశాలలో కూర్చుని బయటకు చూసాడు. వర్షం కురుస్తోంది! అబ్బో, గొడుగు లేదు. వర్షం తక్కువగా ఉన్నప్పుడు బయటకు వచ్చాడు. మధ్యలోకి రాగానే వాన గట్టిగా కురవసాగింది. గొడుగు లేకుండా రాము అన్నయ్య పూర్తిగా తడిసి ఇంటికి చేరాడు. రాము తండ్రి అతన్ని చూసి, "రా రామూ, మనం దుకాణానికి వెళ్లి నీకు ఒక గొడుగు కొనుక్కుందాం," అన్నాడు. వెంటనే రాము అన్నయ్యకు ఆనందం కలిగింది.

 

పిల్లలూ, అమ్మా నాన్నా మనకు ఇష్టమైన దానిని కొంటే మనం ఎంత సంతోషంగా ఉంటామో కదా. ఇప్పుడు రాము తన తండ్రితో కలిసి దుకాణానికి వెళ్లాడు. తండ్రి రాముకు పెద్ద నల్ల గొడుగు కొన్నాడు. రాముతో కలిసి చదివే అతని స్నేహితులు కూడా ఆ దుకాణానికి వచ్చారు. రాము తండ్రి కొన్న గొడుగును చూసి "తాతగారి గొడుగు" అని అతన్ని హేళన చేశారు. రాము స్నేహితులు కొనుక్కున్న గొడుగులపై చిన్నారులకి ఇష్టమైన చోటా భీమ్ మరియు డోరా బొమ్మలు ఉండేవి. కానీ రాముకి అలాంటి బొమ్మలు లేవు. రాము ఇబ్బందిగా ఇంటికి వచ్చాడు.

 

తరువాత రోజు రాము పాఠశాలకు వెళ్లాడు. సాయంత్రం మళ్ళీ వాన పడింది. రాము స్నేహితులు తమ గొడుగులలోని బొమ్మల్ని చూపిస్తూ సంతోషంగా ఉన్నారు. రామును "తాతగారి గొడుగు" అని మళ్ళీ హేళన చేశారు. రాముకు చాలా బాధగా అనిపించింది.

 

ఈ సమయంలో పెద్ద గాలి వీచింది. అప్పుడు రాము స్నేహితులు పట్టుకున్న గొడుగులన్నీ పగిలిపోయాయి. కానీ రాముని రక్షించిన గొడుగు మాత్రం ఆ గాలికి కూడా చెదరలేదు. అప్పుడే రామును హేళన చేసిన స్నేహితులు, "రామూ, మమ్మల్ని క్షమించు. మేము వానలో తడుస్తున్నాం. నీ గొడుగు కింద కొద్దిసేపు ఉండమా?" అని అడిగారు. రాము వారికి చెమటలు లేకుండా తన గొడుగులో తలదాచుకొనడానికి అవకాశం ఇచ్చాడు.

 

ఆ సమయంలో రాము తన తండ్రి కొనిచ్చిన గొడుగు నిజంగా ఎంతో మేలైందని తెలుసుకున్నాడు. ఆనందంగా ఇంటికి వెళ్లిపోయాడు.

 

పిల్లలూ, ఇదే విధంగా యేసు మన జీవితంలో చేసే ప్రతిదీ మంచిదే చేస్తాడు. రాముని స్నేహితులు చివరికి సత్యాన్ని గ్రహించినట్లు, మీరుకూడా యేసు గురించి తెలుసుకోండి. చెడు దానిని మంచిగా మార్చే దేవుడు తప్పక మీ అవసరాలను నెరవేరుస్తాడు.

- శ్రీమతి. పూవితా ఎబెనెజర్ గారు

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250