By Village Missionary Movement

Friday, 12-Sep-2025

ಧೈನಂದಿನ ಧ್ಯಾನ(Kannada) – 12.09.2025

 

ಪ್ರತಿಫಲ ಉಂಟು 

 

"...ನನ್ನ ಬಾಯಿಂದ ಹೊರಟ ಮಾತು ನನ್ನ ಇಷ್ಟಾರ್ಥವನ್ನು ನೆರವೇರಿಸಿ ನಾನು ಉದ್ದೇಶಿಸಿದ್ದನ್ನು ಕೈಗೂಡಿಸಿದ ಹೊರತು ನನ್ನ ಕಡೆಗೆ ವ್ಯರ್ಥವಾಗಿ ಹಿಂದಿರುಗುವದಿಲ್ಲ" - ಯೆಶಾಯ 55:11

 

ಕರ್ತನ ವಾಕ್ಯವು ತಲುಪಲು ಸಾಧ್ಯವಾಗದ ಕಬ್ಬಿಣದ ಪರದೆಯ ದೇಶಗಳೊಳಗೆ ದೇವರ ವಾಕ್ಯವನ್ನು ಕಳುಹಿಸಲು ಒಂದು ಸುವಾರ್ತಾಬೋಧಕರ ಗುಂಪು ಹೊಸ ತಂತ್ರವನ್ನು ಕಂಡುಹಿಡಿದರು. ಅವರು ಸಾವಿರಾರು ಖಾಲಿ ಪ್ಲಾಸ್ಟಿಕ್ ಬಾಟಲಿಗಳನ್ನು ಖರೀದಿಸಿ, ಮಾರ್ಕನ ಸುವಾರ್ತೆಯನ್ನು ಅವುಗಳೊಳಗೆ ಇಟ್ಟು, ಅಮೆರಿಕದ ಕ್ಯಾಲಿಫೋರ್ನಿಯಾ ಕರಾವಳಿಯಲ್ಲಿ ಪ್ರಾರ್ಥನೆಯೊಂದಿಗೆ ನೀರಿಗೆ ಎಸೆದರು. ಈ ಘಟನೆ ಏಪ್ರಿಲ್ 15, 1978 ರಂದು ನಡೆಯಿತು. ಈ ಸುವಾರ್ತಾಬೋಧಕರ ಗುಂಪು ಸಹ ತಮ್ಮ ಪ್ರಾರ್ಥನೆಗಳನ್ನು ನಿಲ್ಲಿಸಲಿಲ್ಲ, ಸತತವಾಗಿ ಪ್ರಾರ್ಥಿಸುತ್ತಲೇ ಇದ್ದರು. ಪರಿಣಾಮವಾಗಿ, ಹಲವು ವರ್ಷಗಳ ನಂತರ, ಒಬ್ಬ ಯುವಕನ ಸಾಕ್ಷಿಯನ್ನು ಕೇಳಿದರು. ಒಂದು ದಿನ, ಆ ಯುವಕ ತನ್ನನ್ನು ಅರಿಯದೆ ಸಮುದ್ರಕ್ಕೆ ಹೋದಾಗ, ಒಬ್ಬಂಟಿಯಾಗಿ ಕುಳಿತು ಸಮುದ್ರವನ್ನು ನೋಡುತ್ತಿದ್ದಾಗ, ಏನೋ ಒಂದು ಅವನ ಕಡೆಗೆ ತೇಲಿ ಬಂತು. ಅವನು ಓಡಿಹೋಗಿ ಅದನ್ನು ಎತ್ತಿಕೊಂಡಾಗ, ಕರ್ತನ ವಾಕ್ಯವು ಅದರಲ್ಲಿತ್ತು. ಅದನ್ನು ಓದಿದ ನಂತರ ಅವನು ತನ್ನ ಜೀವನವನ್ನು ಕರ್ತನಿಗೆ ಅರ್ಪಿಸಿದನು. ನಾಶನದತ್ತ ಓಡುತ್ತಿದ್ದ ಅವನ ಜೀವನವು ಸರಿಯಾದ ಜೀವನಕ್ಕೆ ತಿರುಗಿತು ಎಂದು ಸಾಕ್ಷಿ ಹೇಳಿದನು. 

 

ಕರ್ತನ ಯೋಜನೆ ಈ ಯುವಕನಿಗಾಗಿ ಇದ್ದುದರಿಂದ, ದೇವರ ವಾಕ್ಯವು ಸಮುದ್ರದಲ್ಲಿ ಮೂರು ವರ್ಷಗಳ ಕಾಲ ಪ್ರಯಾಣಿಸಿ, ನಿಗದಿತ ಸಮಯದಲ್ಲಿ ಸುಮಾರು 5,100 ಮೈಲುಗಳಷ್ಟು ದೂರದಲ್ಲಿರುವ ಒಬ್ಬ ವ್ಯಕ್ತಿಯನ್ನು ತಲುಪಿತು. "ನಿನ್ನ ಆಹಾರವನ್ನು ನೀರಿನ ಮೇಲೆ ಚೆಲ್ಲು, ಬಹು ದಿನದ ಮೇಲೆ ಅದು ನಿನಗೆ ಸಿಕ್ಕುವದು" (ಪ್ರಸಂಗಿ 11:1) ಎಂದು ಸತ್ಯವೇದವು ಹೇಳುತ್ತಿದೆ. ಆ ಒಂದು ಬಾಟಲಿಯು ಸಮುದ್ರದಲ್ಲಿ 3 ವರ್ಷಗಳ ಕಾಲ ಪ್ರಯಾಣಿಸಿ ಈ ನಿರ್ದಿಷ್ಟ ಯುವಕನ ಕೈಗಳನ್ನು ತಲುಪಿತು. ಈ ಯುವಕನ ಸ್ಥಳ 'ಕಿರಿಬಾಟಿ' ದ್ವೀಪದಲ್ಲಿರುವ 'ಮೈಕ್ರೋನೇಷಿಯಾ'.

 

ಇದನ್ನು ಓದುತ್ತಿರುವ ಸ್ನೇಹಿತರೇ! ಕರ್ತನು ತನ್ನ ವಾಕ್ಯವನ್ನು ಹೇಗೆ ನೆರವೇರಿಸುತ್ತಾರೆ ಎಂಬುದನ್ನು ನೋಡಿ. ಅದೇ ರೀತಿ, ನಮ್ಮ ಜೀವನದಲ್ಲಿಯೂ, ಕರ್ತನು ನಮ್ಮ ಮೂಲಕ ಮಾಡಲು ನಿರ್ಧರಿಸಿರುವುದನ್ನು ಖಂಡಿತವಾಗಿಯೂ ನೆರವೇರಿಸುತ್ತಾರೆ. ಸಮಯ ಬಂದಾಗ ದೇವರು ನಮಗೆ ನೀಡಿದ ವಾಗ್ದಾನಗಳು ಖಂಡಿತವಾಗಿಯೂ ನೆರವೇರುತ್ತವೆ. 

 

ನಿಷ್ಠೆಯಿಂದ ಸೇವೆ ಸಲ್ಲಿಸಿದ ನಂತರವೂ ನಿಮಗೆ ಫಲಿತಾಂಶಗಳು ದೊರೆತಿಲ್ಲವೇ? ಅದು ಮೂರು ವರ್ಷಗಳಾಗಿರಲಿ ಅಥವಾ ಮೂವತ್ತು ವರ್ಷಗಳಾಗಿರಲಿ, ಕರ್ತನು ನಿಮಗಾಗಿ ಕಾಯ್ದಿರಿಸಿರುವುದನ್ನು ನಿಮ್ಮ ಬಳಿಗೆ ತರುತ್ತಾರೆ. ಫರೋಹನಿಂದ ದಬ್ಬಾಳಿಕೆಗೆ ಒಳಗಾದ ಇಸ್ರಾಯೇಲ್ಯರು ತಮಗೆ ನೀಡಲಾದ ಕೆಲಸವನ್ನು ಮುಂದುವರೆಸಿದರು. ಹಲವು ದಿನಗಳ ನಂತರ, ಕರ್ತನು ಸ್ವತಃ ಅದರ ಫಲವನ್ನು ಅವರಿಗೆ ಕೊಟ್ಟು ಅವರನ್ನು ಬಿಡಿಸಿದರು. “ಇಗೋ, ಇದು ನಿನಗೋಸ್ಕರ ಪ್ರತ್ಯೇಕಿಸಿದ್ದು... ಇದು ನಿನಗೋಸ್ಕರವಾಗಿಯೇ ಇಡಲ್ಪಟ್ಟಿತ್ತು" (1 ಸಮುವೇಲ 9:24). ಕರ್ತನು ನಿಮ್ಮನ್ನು ಆಶೀರ್ವದಿಸುತ್ತಾರೆ.

- Mrs. ಪ್ರಿಸ್ಕಿಲ್ಲಾ ಥಿಯೋಫಿಲಸ್

 

ಪ್ರಾರ್ಥನಾ ಅಂಶ:

ಟ್ಯೂಷನ್ ಸೆಂಟರ್‌ನಲ್ಲಿ ಕಲಿಸುವ ಶಿಕ್ಷಕರು ಕ್ರಿಸ್ತನ ಪ್ರೀತಿಯನ್ನು ಹೊರಪಡಿಸುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482