By Village Missionary Movement

Thursday, 23-Oct-2025

ಧೈನಂದಿನ ಧ್ಯಾನ(Kannada) – 23.10.2025

 

ನೊಬೆಲ್ ಪ್ರಶಸ್ತಿ

 

"...ನಾನು ಆರಿಸಿಕೊಂಡ ಸಾಧನವಾಗಿದ್ದಾನೆ" - ಅಪೊಸ್ತಲ 9:15

 

ವಾರ್ತಾ ಪತ್ರಿಕೆಯನ್ನು ಓದಿದ ಒಬ್ಬ ವ್ಯಕ್ತಿ ಅದರಲ್ಲಿ ತನ್ನ ಮರಣ ವಾರ್ತೆಯನ್ನು ನೋಡಿದರು. ಅದರಲ್ಲಿ ಬೇರೆಯವರ ಹೆಸರು ಮತ್ತು ಫೋಟೋಗೆ ಬದಲಾಗಿ ತನ್ನ ಹೆಸರು ಮತ್ತು ಫೋಟೋವನ್ನು ಪ್ರಕಟಿಸಲಾಗಿತ್ತು. ಅವರ ಫೋಟೋದ ಕೆಳಗೆ, ಡೈನಮೈಟ್ ಅನ್ನು ಕಂಡುಹಿಡಿದ ರಾಜ ಮತ್ತು ಸಾವಿನ ವ್ಯಾಪಾರಿ ಎಂದು ಬರೆಯಲಾಗಿತ್ತು. ಅದನ್ನು ನೋಡಿದ ಆ ವ್ಯಕ್ತಿ ಅನುಭವಿಸಿದ ಆಘಾತಕ್ಕೆ ಮಿತಿಯೇ ಇಲ್ಲ. ಜನರು ಅವನನ್ನು ಸಾವಿನ ವ್ಯಾಪಾರಿ ಎಂದು ನೆನಪಿಸಿಕೊಂಡಿದ್ದರಿಂದ ಅವರ ಮನಸ್ಸು ಆಘಾತಕ್ಕೊಳಗಾಯಿತು. ಆ ಘಟನೆ ಅವರ ಜೀವನವನ್ನು ಬದಲಾಯಿಸಿತು. ಯಾರೂ ಅವರನ್ನು ಹಾಗೆ ಕರೆಯಬೇಕೆಂದು ಅವರು ಬಯಸಲಿಲ್ಲ. ಆ ದಿನದಿಂದ, ಅವರು ಶಾಂತಿ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳಲು ಪ್ರಾರಂಭಿಸಿದರು. ಅವರೇ ಆಲ್ಬರ್ಟ್ ನೊಬೆಲ್. ಅವರ ಹೆಸರಿನಲ್ಲಿ ಇಂದಿಗೂ ಪ್ರತಿ ವರ್ಷವೂ, ಸಮಾಧಾನಕ್ಕೂ ಮತ್ತು ಇತರ ವೈಜ್ಞಾನಿಕ ಆವಿಷ್ಕಾರಗಳಿಗೂ ನೊಬೆಲ್ ಪ್ರಶಸ್ತಿಯನ್ನು ನೀಡಲಾಗುತ್ತಿದೆ.

 

ಹೊಸ ಒಡಂಬಡಿಕೆಯಲ್ಲಿ ಅಪೊಸ್ತಲನಾದ ಪೌಲನು ನಮಗೆ ಗೊತ್ತು. ಸೌಲನಾಗಿದ್ದ ಪೌಲನು ಪವಿತ್ರಾತ್ಮದಿಂದ ತುಂಬಿದ್ದ ಸ್ತೆಫನನ್ನು ಕೊಲ್ಲಲು ಒಪ್ಪಿಕೊಂಡಿದ್ದನು. ಈ ಸೌಲನೇ ಮುಖ್ಯ ಯಾಜಕರ ಬಳಿಗೆ ಹೋಗಿ ಕರ್ತನ ಶಿಷ್ಯರನ್ನು ಬೆದರಿಸಿ ಕೊಲ್ಲಲು ಮತ್ತು ಕ್ರೈಸ್ತರನ್ನು ಕಂಡುಕೊಂಡರೆ ಅವರನ್ನು ಬಂಧಿಸಿ ಯೆರೂಸಲೇಮಿಗೆ ಕರೆತರಲು ಪತ್ರಗಳನ್ನು ಕೇಳಿ ಪಡೆದವರು. ಹೀಗೆ ಬದುಕುತ್ತಿದ್ದ ವ್ಯಕ್ತಿಯನ್ನು ಆ ದಿನದಲ್ಲಿ ಅನನೀಯನ ಮೂಲಕ ಕರ್ತನು ಭೇಟಿಯಾಗಲು ಬಯಸಿದ್ದರು. ಆದರೆ ಅನನೀಯನು ಪೌಲನ ಬಗ್ಗೆ ಹೇಳುವಾಗ, "ಯೆರೂಸಲೇಮಿನಲ್ಲಿರುವ ನಿನ್ನ ಪರಿಶುದ್ಧರಿಗೆ ಎಷ್ಟೋ ಕೆಟ್ಟದ್ದನ್ನು ಮಾಡಿದನೆಂದು ನಾನು ಅವನ ಬಗ್ಗೆ ಅನೇಕರಿಂದ ಕೇಳಿದ್ದೇನೆ" ಎಂದರು. ಈ ರೀತಿಯಾಗಿ, ಮರಣಕ್ಕೆ ಜನ್ಮ ನೀಡುತ್ತಿದ್ದ ಸೌಲನನ್ನು ಕರ್ತನು ಭೇಟಿಯಾಗಿ ಅವನ ಎಲ್ಲಾ ಅಶಾಂತಿಯುತ ಪರಿಸ್ಥಿತಿಗಳನ್ನು ಬದಲಾಯಿಸಿ ಅವರನ್ನು ಕರ್ತನು ಆರಿಸಿಕೊಂಡ ಪಾತ್ರೆಯನ್ನಾಗಿ ಮಾರ್ಪಡಿಸಿದರು.

 

ಇದನ್ನು ಓದುತ್ತಿರುವ ಪ್ರಿಯರೇ! ನಾವು ಕರ್ತನನ್ನು ಅರಿಯದ ದಿನಗಳಲ್ಲಿ, ಪಾಪ ಮಾಡುತ್ತಿದ್ದೆವು. ನಾವು ಕರ್ತನಿಗೆ ದೂರವಾಗಿ ಜೀವಿಸುತ್ತಿದ್ದೆವು. ನಾವು ಯೇಸುವನ್ನು ಸ್ವೀಕರಿಸಿ ಶಾಂತಿಯಿಂದ ಬದುಕಬೇಕು. ಆಲ್ಬರ್ಟ್ ನೊಬೆಲ್ ತನ್ನ ಜೀವನವನ್ನು ಪರೀಕ್ಷಿಸಿ ವರ್ತಿಸಿದಂತೆಯೇ, ನಮ್ಮ ಜೀವನವನ್ನು ಕಲ್ವಾರಿ ಕಡೆಗೆ ತಿರುಗಿಸೋಣ. ನಾವು ಸೌಲನಂತೆ ಕೊಲೆಗಾರರಾಗಿ ಬದುಕಬಾರದು, ಆದರೆ ಪೌಲನಂತೆ ಸಭೆಗಳು ಮತ್ತು ಶಿಷ್ಯರನ್ನು ನಿರ್ಮಿಸೋಣ. ಇದರ ಮೂಲಕ, ನಾವು ಪರಲೋಕ ರಾಜ್ಯಕ್ಕಾಗಿ ನೊಬೆಲ್ ಪ್ರಶಸ್ತಿಯನ್ನು ಪಡೆಯಲು ಆಶಿಸೋಣ.

- Mrs. ಶಕ್ತಿ ಶಂಕರ್

 

ಪ್ರಾರ್ಥನಾ ಅಂಶ:

50,000 ಹಳ್ಳಿಗಳಿಗೆ ಸುವಾರ್ತೆ ಸಾರಲು ಅಗತ್ಯವಿರುವ ಹಸ್ತಪ್ರತಿಗಳಿಗಾಗಿ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482