By Village Missionary Movement

Sunday, 08-Mar-2026

ಧೈನಂದಿನ ಧ್ಯಾನ(Kannada) – 08.03.2026 (Kids Special)

 

ಡ್ಯಾನಿಯೇಲ್ School Bag ಎಲ್ಲಿ?

 

"...ಮನುಷ್ಯನು ತಾನು ಏನು ಬಿತ್ತುತ್ತಾನೋ ಅದನ್ನೇ ಕೊಯ್ಯಬೇಕು." - ಗಲಾತ್ಯ 6:7

 

ಡ್ಯಾನಿಯ ಊರು ಹಸಿರು ಹುಲ್ಲುಗಾವಲುಗಳು ಮತ್ತು ಸುಂದರವಾದ ತೊರೆಗಳಿಂದ ತುಂಬಿರುವ ಹಳ್ಳಿ. ಇವನು ಭಯಂಕರ ತೀಟೆ ಹುಡುಗ ಮತ್ತು ಬಾಯಿಬಡುಕ. ಈ ಡ್ಯಾನಿ ಯಾರನ್ನು ಬೇಕಾದರೂ ಸುಲಭವಾಗಿ ಮೋಸಗೊಳಿಸುತ್ತಾನೆ. ಪ್ರತಿದಿನ ಅವನು ಶಾಲೆಗೆ ಹೋಗಲು ಬೇಗನೆ ಮನೆಯಿಂದ ಹೊರಡುತ್ತಾನೆ. ಸ್ವಲ್ಪ ತಡವಾದರೂ, ತನ್ನ ತಾಯಿಯನ್ನು ಭಯಂಕರವಾಗಿ ಬೈಯ್ಯುತ್ತಾನೆ. ಡ್ಯಾನಿಯ ತಾಯಿ ಅವನಿಗೆ ಹೆದರಿ ಬೇಗನೆ ಅಡುಗೆ ಮಾಡುತ್ತಾರೆ. ಮತ್ತೊಂದೆಡೆ, ಅವನ ಈ ಒಳ್ಳೆಯ ನಡವಳಿಕೆಯನ್ನು ನೋಡಿ ಸಂತೋಷಪಡುತ್ತಿದ್ದರು. ಮನೆಯಿಂದ ಬೇಗನೆ ಹೊರಟ ಡ್ಯಾನಿ, ದಾರಿಯಲ್ಲಿ ತನ್ನ ಸ್ನೇಹಿತನ ಮನೆ ಮತ್ತು ಮಾವನ ಮನೆಗೆ ಹೋಗಿ ಹರಟೆ ಹೊಡೆದು ದಿನವೂ ಶಾಲೆಗೆ ತಡವಾಗಿ ಹೋಗುತ್ತಿದ್ದನು. ಅಲ್ಲಿಗೆ ಹೋಗಿ ತನ್ನ ಸ್ನೇಹಿತರೊಂದಿಗೆ ಸುಮ್ಮನೆ ಹರಟೆ ಹೊಡೆಯುತ್ತಿದ್ದನು. ಶಿಕ್ಷಕರು ಅವನನ್ನು ಹಲವು ಬಾರಿ ಗದರಿಸಿದರೂ, ಅವನು ಅದನ್ನು ಲೆಕ್ಕಿಸಲೇ ಇಲ್ಲ. ಆದರೆ ಮನೆಯಲ್ಲಿ, ಅವನು ಒಳ್ಳೆಯ ಮಗುವಿನಂತೆ ವರ್ತಿಸುತ್ತಿದ್ದನು.

 

ಒಂದು ದಿನ ಡ್ಯಾನಿಯ ತರಗತಿಯ ಶಿಕ್ಷಕಿ ಅವನ ಮನೆಗೆ ಹೋಗಿ ಅವನ ತಾಯಿಗೆ ಅವನ ಕಾರ್ಯಗಳ ಬಗ್ಗೆ ಹೇಳಿ ಎಚ್ಚರಿಕೆ ನೀಡಿದರು. ಅವನ ತಾಯಿ, ಶಿಕ್ಷಕರು ಹೇಳಿದ ಯಾವುದನ್ನೂ ನಂಬಲಿಲ್ಲ. ನನ್ನ ಮಗ ಹಾಗಿಲ್ಲ, ಒಳ್ಳೆಯ ಹುಡುಗ ಎಂದು ಹೇಳಿ ಅವರು ಶಿಕ್ಷಕರನ್ನು ಕಳುಹಿಸಿಬಿಟ್ಟರು. ಶಿಕ್ಷಕರು ನಿರಾಶೆಯಿಂದ ಹೊರಟುಹೋದರು ಎಂದು ಡ್ಯಾನಿ ತುಂಬಾ ಸಂತೋಷಪಟ್ಟನು. ಮರುದಿನ, ಎಂದಿನಂತೆ ಡ್ಯಾನಿ ಬೇಗನೆ ಎದ್ದು ಹೊರಟು, ಶಾಲೆಗೆ ತಡವಾಗಿ ಹೋದನು. ಶಾಲೆ ಮುಗಿದ ನಂತರ, ಅವನು ತನ್ನ ಸ್ನೇಹಿತರನ್ನು ಕರೆದುಕೊಂಡು ಹಳ್ಳಿಯಲ್ಲಿರುವ ನದಿಯ ಬಳಿಗೆ ಹೋಗಿ ಆಟವಾಡುತ್ತಿದ್ದರು. ಹೀಗೆ ಆಟವಾಡುತ್ತಿದ್ದಾಗ ಡ್ಯಾನಿ ಸದ್ದಿಲ್ಲದೆ ನಿಧಾನವಾಗಿ ಬಂದು ಮರದ ಕೆಳಗೆ ಇದ್ದ ತನ್ನ ಸ್ನೇಹಿತರ ಬ್ಯಾಗ್ ಗಳಲ್ಲಿ ಒಂದು ಬ್ಯಾಗ್ ಅನ್ನು ತೆಗೆದುಕೊಂಡು ಅದನ್ನು ಬಚ್ಚಿಟ್ಟು, ಏನೂ ತಿಳಿಯದವನಂತೆ ಮತ್ತೆ ಅವರೊಂದಿಗೆ ಬಂದು ಆಟವಾಡಿದನು. ಆಟವಾಡಿದ ನಂತರ, ಎಲ್ಲರೂ ಬಂದು ಬ್ಯಾಗ್ ಗಳನ್ನು ತೆಗೆದುಕೊಂಡರು. ಅವರಲ್ಲಿ ಒಬ್ಬನ ಬ್ಯಾಗ್ ಮಾತ್ರ ಕಾಣೆಯಾಗಿತ್ತು. ಅವನು ಅಳಲು ಪ್ರಾರಂಭಿಸಿದನು. ಅದನ್ನು ನೋಡಿ, ಡ್ಯಾನಿ ತನ್ನೊಳಗೆ ತಾನೇ ನಗುತ್ತಾ ತನ್ನ ಬ್ಯಾಗ್ ಅನ್ನು ತೆಗೆದುಕೊಳ್ಳಲು ಹೋದನು. ಅದೂ ಕಾಣಲಿಲ್ಲ. ಅವನು ಈಕಡೆ ಆಕಡೆ ಆತಂಕದಿಂದ ಹುಡುಕಿದನು. ತನ್ನ ಪುಸ್ತಕದ ಕಾಗದ ಗಾಳಿಯಲ್ಲಿ ಹಾರುತ್ತಿರುವುದನ್ನು ನೋಡಿದನು. ಡ್ಯಾನಿ ಮರದ ಕಡೆಗೆ ನೋಡಿದನು ಆಘಾತಕ್ಕೊಳಗಾದನು. ಏಕೆಂದರೆ ಕೋತಿ ಡ್ಯಾನಿಯ ಬ್ಯಾಗ್ ಅನ್ನು ತೆಗೆದುಕೊಂಡು ಮರದ ಮೇಲೆ ಇಟ್ಟು ಒಂದೊಂದಾಗಿ ಹರಿದು ಹಾಕುತ್ತಿತ್ತು. ಆಗ ಡ್ಯಾನಿಗೆ ಪ್ರಜ್ಞೆ ಬಂತು. ನಾವು ಇತರರನ್ನು ಮೋಸಗೊಳಿಸಲು ಯೋಚಿಸಿದೆವು. ಈಗ ನಾವೇ ಮೋಸ ಹೋಗಿದ್ದೇವೆ ಎಂದು.

 

ತಮ್ಮಾ ತಂಗಿ ನೋಡುದ್ರಾ ಡ್ಯಾನಿ ಇತರರನ್ನು ಮೋಸಗೊಳಿಸಲು ಬಯಸಿದನು. ಆದರೆ ಕೊನೆಗೆ, ಅವನೇ ಮೋಸ ಹೋದನು. ಯಾವಾಗಲೂ ಮತ್ತೊಬ್ಬರನ್ನು ಮೋಸಗೊಳಿಸಿ ಬದುಕಲು ಸಾಧ್ಯವಿಲ್ಲ.

- Mrs. ಸಾರಾಳ್ ಸುಭಾಷ್

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482