By Village Missionary Movement

Friday, 20-Mar-2026

ಧೈನಂದಿನ ಧ್ಯಾನ(Kannada) – 20.03.2026

 

ಯೇಸುವಿಗೇ ನನ್ನ ಪ್ರತಿಭೆ 

 

"ಉಪಕಾರಮಾಡುವದಕ್ಕೆ ನಿನ್ನ ಕೈಲಾದಾಗ ಹೊಂದತಕ್ಕವರಿಗೆ ಅದನ್ನು ತಪ್ಪಿಸಬೇಡ" - ಜ್ಞಾನೋಕ್ತಿ 3:27

 

ದೇವರು ಅಪೊಸ್ತಲರ ಮೂಲಕ ಸತ್ತವರೊಳಗಿಂದ ಎಬ್ಬಿಸಿದ ಮೊದಲ ಮಹಿಳೆ ದೊರ್ಕಳು. ಈ ಹೆಸರಿನ ಅರ್ಥ ಹೆಣ್ಣು ಜಿಂಕೆ. ಅಧಿಕವಾಗಿ ಉಲ್ಲೇಖಿಸದ, ಹೊಸ ಒಡಂಬಡಿಕೆಯಲ್ಲಿ ಶಿಷ್ಯೆ ಎಂದು ಉಲ್ಲೇಖಿಸಲಾಗಿರುವ ಮಹಿಳೆ. ಅಧಿಕವಾಗಿ ದಾನ ಧರ್ಮಗಳನ್ನು ಮಾಡಿ, ಸತ್ಕ್ರಿಯೆಗಳಿಗೆ ಹಕ್ಕುದಾರಳು ಎಂದು ಹೇಳುವ ಮಟ್ಟಿಗೆ ಅನೇಕರಿಗೆ ಉಪಕಾರಗಳನ್ನು ಮಾಡಿದ ಆ ಮಹಿಳೆಯ ಹೆಸರು ತಬೀತಳು. ಸತ್ಯವೇದದಲ್ಲಿ ಇವರು ಒಬ್ಬ ಮಹಾನ್ ಸೇವಕಿಯಾಗಿ ಪರಿಚಯವಾಗಲಿಲ್ಲ. ಬೋಧಿಸಲು ತಿಳಿದವರೂ ಅಲ್ಲ. ದೊಡ್ಡ ಸ್ಥಾನಮಾನ, ಉತ್ತಮ ಶಿಕ್ಷಣ ಅಥವಾ ಸಂಪತ್ತಿನ ವ್ಯಕ್ತಿಯೂ ಅಲ್ಲ. ಆದರೆ ಅವಳು ತನ್ನ ಜೀವನದ ಮೂಲಕ ಯೇಸುವನ್ನು ಬಹಿರಂಗಪಡಿಸಿದರು. ಹೊಸ ಒಡಂಬಡಿಕೆಯಲ್ಲಿ ಶಿಷ್ಯೆ ಎಂದು ಕರೆಯಲ್ಪಟ್ಟ ಏಕೈಕ ಮಹಿಳೆ ಈ ಮಹಿಳೆ ಎಂಬುದು ತುಂಬಾ ಹೆಮ್ಮೆಯ ವಿಷಯ. ತನ್ನ ಜೀವನದುದ್ದಕ್ಕೂ, ಯೊಪ್ಪ ನಗರದಲ್ಲಿ ವಾಸಿಸುವ ಬಡವರು ಮತ್ತು ವಿಧವೆಯರಿಗೆ ಬಟ್ಟೆ ಮತ್ತು ನಿಲುವಂಗಿಗಳನ್ನು ತಯಾರಿಸಲು ಅವಳು ದೇವರು ನೀಡಿದ ಹೊಲಿಗೆ ಪ್ರತಿಭೆಯನ್ನು ಬಳಸಿದಳು. ಬಡವರಿಗೆ ಮತ್ತು ನಿರ್ಗತಿಕರಿಗೆ ಸಹಾಯ ಮಾಡಲು ಅವಳು ತನ್ನ ಹೊಲಿಗೆ ಕೌಶಲ್ಯವನ್ನು ಬಳಸಿದಳು ಮತ್ತು ದೇವರ ಹೆಸರನ್ನು ಮಹಿಮೆಪಡಿಸಿದಳು. ಅವಳು ಅನಾರೋಗ್ಯಕ್ಕೆ ಒಳಗಾಗಿ ಸತ್ತ ನಂತರ, ಜನರು ಅವಳ ಒಳ್ಳೆಯ ಕಾರ್ಯಗಳು ಮತ್ತು ವ್ಯಕ್ತಿತ್ವದ ಬಗ್ಗೆ ಮಾತನಾಡಿದರು.

 

ಇದನ್ನು ಓದುತ್ತಿರುವ ನಾವು ಸಹ ಕರ್ತನ ಶಿಷ್ಯರಾಗಿರಬೇಕು, ಒಳ್ಳೆಯ ಕಾರ್ಯಗಳನ್ನು ಮಾಡಬೇಕು ಮತ್ತು ದಾನ ನೀಡಬೇಕು. ನಮ್ಮ ಜೀವನದ ಮೂಲಕ ಕರ್ತನು ಏನೆಂದು ನಾವು ಬಹಿರಂಗಪಡಿಸಬೇಕು. ಬೈಬಲ್‌ನಲ್ಲಿ ಫಿಲಿಪ್ಪಿ 2:4 ರ ಪ್ರಕಾರ, “ನಿಮ್ಮಲ್ಲಿ ಪ್ರತಿಯೊಬ್ಬನು ಸ್ವಹಿತವನ್ನು ಮಾತ್ರ ನೋಡದೆ ಪರಹಿತವನ್ನು ಸಹ ನೋಡಲಿ.” ನಾವು ನಮಗಾಗಿ ಮಾತ್ರ ಬದುಕಬಾರದು, ಇತರರಿಗಾಗಿಯೂ ಬದುಕಬೇಕು. ನಾವು ನಮ್ಮ ಕ್ರಿಯೆಗಳ ಮೂಲಕ ಯೇಸು ಕ್ರಿಸ್ತನಲ್ಲಿ ನಮ್ಮ ನಂಬಿಕೆಯನ್ನು ಪ್ರದರ್ಶಿಸಬೇಕು. ನಾವು ಮಾಡಿದ ಕ್ರಿಯೆಗಳು ನಮ್ಮ ಮರಣದಲ್ಲಿ ಮಾತ್ರ ಬಹಿರಂಗಗೊಳ್ಳುತ್ತವೆ. ನಾವು ಮಾತನಾಡುವ ಮಾತುಗಳಿಗಿಂತ ನಾವು ಬದುಕುವ ಜೀವನದ ಮೂಲಕ ಹೆಚ್ಚು ಮಾತನಾಡಬೇಕು.

 

ಹೌದು, ದೊರ್ಕಳು ತನ್ನ ಕೈಯಲ್ಲಿ ಸೂಜಿಯೊಂದಿಗೆ ದೇವರ ಮಹಿಮೆಗಾಗಿ ಬದುಕಿದಳು ಮತ್ತು ಅವಳ ಪಾಲನ್ನು ನೀಡಿದಳು. ಇಂದು ನಿಮ್ಮ ಕೈಯಲ್ಲಿ ಏನಿದೆ? ಪೆನ್ನು? ಟೈಪ್‌ರೈಟರ್? ಅಥವಾ ಕಂಪ್ಯೂಟರಾ? ನಿಮ್ಮ ಕೈಯಲ್ಲಿ ಏನಿದೆಯೋ ಅದನ್ನು ಕರ್ತನ ರಾಜ್ಯಕ್ಕಾಗಿ ಕೊಡುತ್ತಲೇ ಇರೋಣ. ಅವಕಾಶವನ್ನು ಸಂದರ್ಭವನ್ನು ಕಳೆದುಕೊಳ್ಳದೆ ದೇವರು ನಮಗೆ ನೀಡಿರುವ ಪ್ರತಿಭೆ ಮತ್ತು ಸಾಮರ್ಥ್ಯಗಳಿಗೆ ಅನುಗುಣವಾಗಿ ನಮ್ಮ ಕೈಯಲ್ಲಿರುವ ಸಣ್ಣಪುಟ್ಟ ವಸ್ತುಗಳ ಮೂಲಕ ಇತರರಿಗೆ ಆಶೀರ್ವಾದವಾಗಿ ಜೀವಿಸೋಣ.

- Mrs. ರೂತ್ ಗುಣಶೀಲನ್

 

ಪ್ರಾರ್ಥನಾ ಅಂಶ:

ದೊರ್ಕಾಳ್ ಹೊಲಿಗೆ ತರಬೇತಿ ಕೇಂದ್ರದಲ್ಲಿ ತರಬೇತಿ ಪಡೆಯುವವರನ್ನು ಕರ್ತನು ಜೊತೆ ಇದ್ದು ಆಶೀರ್ವದಿಸುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482