By Village Missionary Movement

Wednesday, 10-Jun-2026

దిన ధ్యానము(Telugu) 10.06.2026

 

అంశం: యేసుకే ప్రథమ స్థానం

 

“కాబట్టి మీరు ఆయన రాజ్యమును నీతిని మొదటి వెదకుడి…” - మత్తయి 6:33

 

ఒక రాజు నగలు, విలువైన రత్నాలతో నిండిన పెట్టెను తీసుకుని తన రాజప్రావాసానికి ప్రయాణమౌతున్నాడు. ఆయన ఒక ఏనుగుపై కూర్చుని ఉండగా, ఆయన రక్షణ కోసం చుట్టూ సైనికులు, మంత్రులు ఉన్నారు. హఠాత్తుగా, ఆ ఏనుగు కాలు జారడంతో ఆ పెట్టె క్రిందపడిపోయింది. ఆ పెట్టె మూత ఊడిపోయి, అందులోని వస్తువులన్నీ చెల్లాచెదురైపోయాయి; బంగారు నాణేలు, విలువైన ముత్యాలు అన్ని వైపులా దొర్లిపోయాయి. రాజు ఏం ఆజ్ఞాపిస్తాడో తెలియక అందరూ నిశ్చేష్టులై నిలబడ్డారు. ఆ రాజు చాలా దయాళువు, ఉదార స్వభావం కలవాడు. క్షణకాలం ఆలోచించి ఆయన, "ఇదంతా మీదే. మీకు నచ్చింది తీసుకోండి" అన్నాడు. రాజుగారి సేవకులు, మంత్రులు చెల్లాచెదురుగా పడి ఉన్న ఆ సంపదను ఏరుకోవడానికి ఒకరినొకరు నెట్టుకుంటూ పరుగెత్తారు.

 

అప్పుడు, రాజుగారి చూపు తన పక్కనే నిలబడి ఉన్న ఒక సైనికుడిపై పడింది. ఆ సైనికుడు ఒక్క క్షణం కూడా రాజు వైపు నుండి తన చూపు తిప్పలేదు, తన చేతిలోని బల్లెం కూడా వదల్లేదు. రాజు ఆశ్చర్యపోయాడు. "నీ కుటుంబం కోసం ఈ విలువైన వస్తువులను తీసుకోవాలని నీకు లేదా?" అని అడిగాడు.

దానికి ఆ సైనికుడు, "మహారాజా, మిగిలిన వారందరి కళ్ళు ఆ రత్నాలపైనే ఉన్నాయి. అందరూ వాటిని ఏరుకోవడంలో నిమగ్నమై ఉన్నప్పుడు, ఎవరైనా మీకు హాని తలపెడితే ఏంటి పరిస్థితి? అందుకే నా కళ్ళు మీ పైనే ఉంచాను. ఆ రత్నాల కంటే మీరే నాకు ఎంతో విలువైనవారు" అని బదులిచ్చాడు. రాజు ఎంతో సంతోషించి, అతడిని తన వ్యక్తిగత రక్షకుడిగా పదోన్నతి కల్పించడమే కాకుండా, ఆ నగలను, వజ్రాలను, ముత్యాలను అతడికే బహుమతిగా ఇచ్చాడు.

 

ప్రియ దేవుని బిడ్డలారా, ఈరోజు మన జీవితాల్లో దేనికి మొదటి స్థానం ఇస్తున్నాం? ఆ సేవకుడి కళ్ళు తన రాజుపైనే నిలిచి ఉన్నాయి. మరి ఈరోజు మన కళ్ళు ఎవరిపై లేదా దేనిపై నిలిచి ఉన్నాయి? మనం ఈ లోక ఆశీర్వాదాల వెనుక పరుగెడుతున్నామా, లేక మన చూపు దేవునిపై ఉందా? మన హృదయం రోజురోజుకీ దేనిని ఆశిస్తోంది? ఒక లోకపు రాజే ఆ సేవకుడి నమ్మకత్వాన్ని బట్టి అతనికి పదోన్నతితో పాటు వెండిబంగారాలను ఇవ్వగలిగితే, మన రాజు అయిన యేసుప్రభువు ఈ జీవనానికి మరియు నిత్యజీవానికి కావలసిన ప్రతిదానిని మనకు మరెంతో నిశ్చయముగా దయచేస్తారు! కాబట్టి, మన కళ్ళను యేసు వైపు తిప్పుదాం. ఆయనకే ప్రథమ స్థానాన్ని ఇద్దాం. ప్రభువు మిమ్మల్ని ఆశీర్వదించును గాక!

- రెవ. ఎస్.ఎ. ఇమ్మానుయేల్ గారు 

 

ప్రార్థన అంశం:

భారతదేశమంతటా 7,000 మంది మిషనరీలు లేపబడాలని ప్రార్థించండి

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250