By Village Missionary Movement

Monday, 04-Oct-2021

ഇന്നത്തെ ധ്യാനം(Malayalam) 04-10-2021

 

സിംഹം

 

“കഷ്ടകാലത്തു നീ കുഴഞ്ഞുപോയാൽ നിന്റെ ബലം നഷ്ടം തന്നേ” - സദൃശ്യ 24:10

 

ഡിസ്കവറി ചാനലിൽ അവർ കാട്ടുമൃഗങ്ങളുടെ രാജാവായ സിംഹത്തെക്കുറിച്ചുള്ള ഒരു ഡോക്യൂമെന്ററി സംപ്രേഷണം ചെയ്തു. മറ്റെല്ലാ മൃഗങ്ങളിലും കാണാത്ത നിരവധി സവിശേഷതകൾ സിംഹത്തിനുണ്ട്. ശാരീരികമായി മാത്രമല്ല ഹൃദയത്തിലും ഇതിന് അസുരശക്തി ഉണ്ടെന്നതാണ് ഇതിന്റെ പ്രത്യേകത. അത് ക്കൂട്ടത്തിനിടയിൽ മാത്രമല്ല, തനിച്ചായിരിക്കുമ്പോഴും ഒന്നിനെ കണ്ടും സിംഹം ഭയപ്പെടുന്നില്ല. ഭയം, പിൻവാങ്ങൽ, ക്ഷീണം, കീഴടങ്ങൽ തുടങ്ങിയ തോറ്റു പോകുന്ന സ്വഭാവം സിംഹത്തിൽ കണ്ടെത്താനാകില്ല. പത്ത് മൃഗങ്ങൾ ഒരുമിച്ച് വന്നാലും എല്ലാത്തിനും എതിരായി ഒറ്റ സിംഹമായി ഒറ്റയ്ക്ക് നിൽക്കും. സിംഹത്തെക്കുറിച്ച് അത്ഭുതകരമായ കാര്യങ്ങളും ബൈബിൾ പറയുന്നു. "മൃഗങ്ങളിൽ ഏറ്റവും ശൗര്യം ഉള്ളതും ഒന്നിനും പിന്മാറത്തതുമായ സിംഹം " എന്ന് തന്റെ വചനത്തിൽ എഴുതിയിരിക്കുന്നു.

 

ഇന്ന് നിങ്ങൾ എന്തെങ്കിലുംകാര്യത്തിൽ മടുത്തു പോയോ? ദൈവം തന്റെ സൃഷ്ടിയിലെ സിംഹത്തെക്കുറിച്ച് ഇന്ന് പറഞ്ഞത് നിങ്ങൾ വായിച്ചില്ലേ? കർത്താവ് ഒരു മൃഗത്തിന് ഇത്രയും പ്രത്യേക ധൈര്യവും ഗാംഭീര്യവും നൽകിയിരുന്നെങ്കിൽ, തന്റെ പ്രതിച്ഛായയിൽ സൃഷ്ടിക്കപ്പെട്ട മനുഷ്യന് എത്രമാത്രം പ്രതിഫലം നൽകുമെന്ന് ചിന്തിക്കുക. അതുകൊണ്ടാണ് അപ്പോസ്തലനായ പൗലോസ് പറഞ്ഞത്, " എന്നെ ശക്തനാക്കുന്നവൻ മുഖാന്തരം ഞാൻ സകലത്തിന്നും മതിയാകുന്നു." ഫിലിപ്പിയർ 4:13. പൗലോസ് ഒരിക്കലും തന്റെ ക്രിസ്തീയ ജീവിതത്തിൽ അധൈര്യപ്പെട്ടു ദുർബലനാണെന്ന് പറഞ്ഞിട്ടില്ല. മറിച്ച് ദൈവത്തിന്റെ ശക്തി തന്റെ ബലഹീനതയിൽ പൂർണ്ണമായി തിരിച്ചറിഞ്ഞു എന്നാണ് അദ്ദേഹം പറയുന്നത്. അതിനാൽ ഇത് വായിക്കുന്ന ആരും നിരുത്സാഹപ്പെടരുത്.

 

ഇന്നത്തെ ധ്യാന വചനത്തിൽ, "കഷ്ടകാലത്തു നീ കുഴഞ്ഞുപോയാൽ നിന്റെ ബലം നഷ്ടം തന്നേ "എന്ന് വായിക്കുന്നു. അപ്രതീക്ഷിതമായി ചില അപകടങ്ങളും നഷ്ടങ്ങളും കാണുമ്പോൾ നമ്മൾ വളരെ വികാരാധീനരാകും. 1 ശമുവേൽ 30 ൽ ദാവീദ് വളരെ ബുദ്ധിമുട്ടുള്ള ഒരു പ്രശ്നത്തെ അഭിമുഖീകരിക്കുന്നു. ദാവീദ് അധൈര്യപ്പെടാതെ തന്റെ ദൈവമായ കർത്താവിൽ തന്നെത്തന്നെ ശക്തിപ്പെടുത്തിയെന്ന് ഇവിടെ വായിക്കാം. ആപത്തു കാലത്തിൽ ക്ഷീണിച്ചു പോകരുത്. തിരുവെഴുത്തുകൾ വായിക്കുക, ധ്യാനിക്കുക, നമ്മുടെ കർത്താവ് നൽകുന്ന സന്തോഷത്തിൽ സ്വയം ബലം പുതുക്കുക.

- പി. ജേക്കബ് ശങ്കർ

 

പ്രാർത്ഥന വിഷയം :

യൂ ട്യൂബ്, ട്വിറ്റർ, വാട്ട്‌സ്ആപ്പ് എന്നിവയിലൂടെ പുറത്തുവരുന്ന ദൈവിക സന്ദേശങ്ങളിലൂടെ ക്രിസ്തുവിനെ അറിയാത്ത ആളുകളുടെ രക്ഷയ്ക്കായി പ്രാർത്ഥിക്കുക.

 

*Whatsapp*

ഈ ധ്യാന സന്ദേശം തമിഴ്, ഇംഗ്ലീഷ്, ഹിന്ദി, മലയാളം, തെലുങ്ക്, കന്നഡ, പഞ്ചാബി, ഒറിയ എന്ന ഭാഷകളിൽ വാട്ട്‌സ്ആപ്പിൽ ലഭിക്കുവാനായി *+91 94440 11864* ഈ നമ്പറുമായി ബന്ധപ്പെടുക.

 

Facebook- ൽ നേടുക: www.facebook.com/villagemissionarymovement

ഇമെയിൽ സ്വീകരിക്കുക: reachvmm@gmail.com

വെബ്സൈറ്റ്: www.vmm.org.in

Android App: https://play.google.com/store/apps/details?id=com.infobells.vmmorgin

 

പ്രാർത്ഥന വിഷയങ്ങൾക്കായി: +91 9487367663, +91 9442493250