By Village Missionary Movement

Saturday, 01-Apr-2023

దిన ధ్యానము(Telugu) 01.04.2023

 

అంశం: మనము గ్రహింపు కలిగిన వారమా? 

 

"యేసు తండ్రీ, వీరేమి చేయుచున్నారో వీరెరుగరు గనుక వీరిని క్షమించుమని చెప్పెను" - లూకా 23:34

 

యేసుక్రీస్తు ప్రభువు సిలువలో పలికిన మొదటి మాట. యేసుక్రీస్తు ప్రభువు సిలువ వేయబడుటకు కారణం ఎవరు లేక ఏమిటి అని ఆలోచిస్తే యెషయా గ్రంథము 53:5 లో సమాధానమును చూడవచ్చ. మన యతిక్రమక్రియలనుబట్టి అతడు గాయపరచ బడెను మన దోషములనుబట్టి నలుగగొట్టబడెను మన సమాధానార్థమైన శిక్ష అతనిమీద పడెను అతడు పొందిన దెబ్బలచేత మనకు స్వస్థత కలుగు చున్నది.

కాబట్టి మీరు, నేను ఈ లోకంలో ఉన్న ప్రతి ఒక్కరము ఆయన సిలువ వేయబడుటకు కారకులమే. యేసుక్రీస్తు ప్రభువు సిలువలో వేలాడబడినప్పుడు తండ్రి వీరేమి చేయుచున్నారో వీరు ఎరుగరు గనుక వీరిని క్షమించమని వీరి కొరకు బ్రతిమలాడి మాట్లాడుతున్నారు. 

 

ఆ కాలంలో యూదులు ముఖ్యముగా పరిసయ్యులు, సద్దుకయ్యలు అందరూ కలిసి పన్నాగం పన్నీ యేసుక్రీస్తు ప్రభువునకు శిలువ వేశారు.ఇస్కరియోతు యుదా డబ్బులు తీసుకుని ఫిలాతుకు అప్పగించే వరకు కారణం వీరే అని మనకు తెలుసు. దేవుని వెతికి దైవ వాక్యమును పరిశోధించే ఈ పరిసయ్యులు, సద్దుకయ్యలు యేసుక్రీస్తు ప్రభువు యొక్క విషయములో తాము చేసినది 100 కి 100% సరైనదే అనుకున్నారు. అందువలననే వీరేమి చేయుచున్నారో వీరెరుగరు అని మన ప్రభువైన యేసుక్రీస్తు వీరి కొరకు తండ్రికి ప్రార్థించారు. 

 

మన ప్రభువు సిలువలో పలికిన మాటలు మనకు తెలియజేసే అర్థం ఏమనగా మనము మన దృష్టిలో 100కి 100% సరైనదే అనుకున్న కొన్ని విషయాలు దేవుని దృష్టిలో 100 కి 100% తప్పు అయి కూడా ఉండవచ్చు. ఇటువంటి తప్పులన్నింటినీ మన దేవుడు తన దయతో క్షమిస్తున్నారు. అయితే మనము ఏ విషయంలో కూడా గ్రహింపు లేకుండా తెలుసుకోకుండా ఉంటున్నామా అని మనలను మనమే పరీక్షించి చూసుకోవాలి. మీకు ఆయాసకరమైన మార్గము నా యందు ఉన్నదేమో చూడుము నిత్యమార్గమున నన్ను నడిపింపుము అని కీర్తనకారుడు 139:24 లో ప్రార్థించిన విధముగా మనము కూడా ప్రార్థించాలి. దీనిని తెలుసుకొన దగిన గ్రహింపగలిగిన హృదయాన్ని కలిగి ఉండాలి. ఇంకా పరిశుద్ధ గ్రంథము నుండి ఇతరుల ద్వారా మన యొక్క లోటులను తెలుసుకొని సరి చేసుకొనుటకు ప్రయాస పడదాం. హల్లెలూయ! 

- బ్రదర్. జె. సంతోష్ గారు 

 

ప్రార్థన అంశం: 

ఈనెల అంతా జరిగే పరిచర్యలో దేవుని హస్తం తోడుండి నడిపించు లాగున ప్రార్థిద్దాం.

 

*Whatsapp*

ఈ దిన ధ్యాన సందశమును తమిళ్, ఇంగ్లీష్ , హిందీ, మలయాళం, తెలుగు, కన్నడ, పంజాబీ మరియు ఒరియా బాషలలో వాట్సాప్ త్వరా పొందుటకు *+91 94440 11864* అనే నెంబర్ ను సంబ్రదించగలరు.

 

www.vmm.org.in

ఈమెయిల్: info@vmm.org.in

Android App: https://play.google.com/store/apps/details?id=com.infobells.vmmorgin

 

విలేజ్ మిషనరీ మూమెంట్, విరుదునగర్, ఇండియా- 626001

ప్రార్ధనా అవసరాల కోసం: +91 94424 93250