By Village Missionary Movement

Monday, 12-Jun-2023

ಧೈನಂದಿನ ಧ್ಯಾನ(Kannada) – 12.06.2023

 

ಮಹಾಕಾರ್ಯವನ್ನು ಮಾಡಿಬಿಡುತ್ತಾರೆ

 

"ಅಪ್ರಮೇಯ ಮಹಾಕಾರ್ಯಗಳನ್ನೂ ಅಸಂಖ್ಯವಾದ ಅದ್ಭುತಕೃತ್ಯಗಳನ್ನೂ ಮಾಡುತ್ತಾನೆ" - ಯೋಬ 9:10

 

ನನ್ನ ಹೆಸರು ಸ್ಟೀಫನ್. ನಾನೊಂದು ಸಾಂಪ್ರದಾಯಿಕ ಕ್ರೈಸ್ತ ಕುಟುಂಬಕ್ಕೆ ಸೇರಿದವನು. ಪೋಷಕರ ಒತ್ತಾಯದ ಮೇರೆಗೆ ಕರ್ತವ್ಯಕ್ಕಾಗಿ ಮಾತ್ರ ಚರ್ಚ್‌ಗೆ ಹೋಗುತ್ತಿದ್ದೆ. ನಾನು ಸಿನಿಮಾ ತಾರೆಯಾಗಬೇಕೆಂದು ಬಯಸಿದ್ದೆ ಮತ್ತು ವಿದ್ಯಾಭ್ಯಾಸದಲ್ಲಿ ಆಸಕ್ತಿ ಇರಲಿಲ್ಲ. ನಾನು ತರಗತಿಯಲ್ಲಿ ಕೊನೆಯಲ್ಲಿ ಕುಳಿತುಕೊಳ್ಳುತ್ತಿದ್ದೆ. ಎಲ್ಲರೂ ನನ್ನನ್ನು ಅವಮಾನಿಸಿದರು. ನನ್ನ ಜೀವನ ಹೀಗೆಯೇ ಸಾಗಿತು. ಪ್ರತಿ ತರಗತಿಯಲ್ಲಿ ತೇರ್ಗಡೆಯಾದ ನಂತರ 10ನೇ ಸಾಮಾನ್ಯ ಪರೀಕ್ಷೆಯಲ್ಲಿ ಎಷ್ಟು ಸಾಧ್ಯವೋ ಅಷ್ಟು ಓದಿ ಬರೆದೆ. ಫಲಿತಾಂಶಕ್ಕಾಗಿ ಕಾಯುತ್ತಿದ್ದೆ. ನನಗೆ ತುಂಬಾ ಭಯವಾಯಿತು. ನಾಳೆ ಫಲಿತಾಂಶ ಬರುತ್ತೆ ಅಂದ್ರೆ ಇವತ್ತು ರಾತ್ರಿ ನಾನು ಆತ್ಮಹತ್ಯೆ ಮಾಡಿಕೊಳ್ಳಲು ಮನೆ ಬಿಟ್ಟು ಹೋಗಿದ್ದೆ.

 

ನಾನು ವಿಷದ ಬಾಟಲಿ ಮತ್ತು ಚಾಕು ಎರಡನ್ನೂ ತೆಗೆದುಕೊಂಡೆ. ಕೊನೆಗೆ ನನ್ನ ಎರಡೂ ಕೈಗಳಲ್ಲಿ ಚಾಕು ಮತ್ತು ವಿಷದ ಬಾಟಲಿಯನ್ನು ಹಿಡಿದುಕೊಂಡು ಪ್ರಾರ್ಥಿಸಿ ಸತ್ತುಹೋಗೋಣ ಎಂದು ಯೋಚಿಸಿ ಮೊಣಕಾಲೂರಿದೆ. ಪ್ರಾರ್ಥಿಸುತ್ತಿರುವಾಗ ನನ್ನೊಳಗೆ ಒಂದು ಸ್ಪಷ್ಟವಾದ ಧ್ವನಿ, "ನಾಳೆ ಫಲಿತಾಂಶವನ್ನು ನೋಡಿ ನಂತರ ನಿರ್ಧರಿಸು" ಎಂದು. ನಾನು ಕೂಡ "ಸರಿ ನಾಳೆ ಸಾಯುತ್ತೇನೆ" ಎಂದು ಮನೆಗೆ ಹೋದೆ. ಮರುದಿನ ನಾನು ತುಂಬಾ ಭಯದಿಂದ ಫಲಿತಾಂಶಕ್ಕಾಗಿ ಕಾಯುತ್ತಿದ್ದೆ. ನಾನೇ ಶಾಲೆಯಲ್ಲಿ ಮೊದಲ ಅಂಕಗಳನ್ನು ಪಡೆದಿದ್ದೇನೆ ಎಂಬ ವರದಿ ಬಂತು. ನನಗೆ ನಂಬಲಾಗಲಿಲ್ಲ. ಆದರೆ ಇದು ಸತ್ಯ. ಮೊದಲ ಅಂಕ ಪಡೆಯುವ ಅವಕಾಶವೇ ಇಲ್ಲದ ನನಗೆ ಮೊದಲ ಅಂಕ ಬರುವಂತೆ ಮಾಡಿದರು ಯೇಸಪ್ಪ.

 

ದಾವೀದನನ್ನು ಅವರ ಕುಟುಂಬದ ಎಲ್ಲರೂ ಕೀಳಾಗಿ ಕಾಣುತ್ತಿದ್ದರು. ಆದರೆ ಗೊಲ್ಯಾತನನ್ನು ಸೋಲಿಸಲು ದೇವರು ದಾವೀದನನ್ನು ಉಪಯೋಗಿಸಿದರು. ನಿಮ್ಮನ್ನು ಎಲ್ಲರೂ ಕಡೆಗಣಿಸಿ ಕೀಳಾಗಿ ಕಾಣುತ್ತಿದ್ದಾರಾ? ದಾವೀದನನ್ನು ಮೇಲಕ್ಕೆತ್ತಿದ ದೇವರು, ನನ್ನನ್ನು ಮೇಲಕ್ಕೆತ್ತಿದ ದೇವರು ನಿಮ್ಮನ್ನೂ ಮೇಲಕ್ಕೆತ್ತುವರು. ಈಗ ದೇವರ ಸೇವೆ ಮಾಡುತ್ತಿದ್ದೇನೆ.

 

ಹೌದು, ಯಾರನ್ನು ಬೇಕಾದರೂ ಮೇಲೆತ್ತಲು ಅವರಿಂದ ಸಾಧ್ಯ. ಅವರು ನಿಮ್ಮ ಜೀವನದಲ್ಲಿಯೂ ಸಹ ಅಪ್ರಮೇಯ ಮಹಾಕಾರ್ಯಗಳನ್ನೂ ಅಸಂಖ್ಯವಾದ ಅದ್ಭುತಕೃತ್ಯಗಳನ್ನೂ ಮಾಡುವಾತನು, ನಿಮ್ಮ ಜೀವನದಲ್ಲೂ ಖಂಡಿತವಾಗಿ ಮಾಡುತ್ತಾರೆ. 

ಹಲ್ಲೇಲೂಯ.

- S.J. ಸ್ಟೀಫನ್

 

ಪ್ರಾರ್ಥನಾ ಅಂಶ:

Child Care Centre ಎಂಬ ಯೋಜನೆಯ ಮೂಲಕ ಅನೇಕ ಚಿಕ್ಕಮಕ್ಕಳು ಪೋಷಿಸಲ್ಪಡುವಂತೆ ಪ್ರಾರ್ಥಿಸಿರಿ.

 

*Whatsapp*

ಈ ಧ್ಯಾನ ಸಂದೇಶವನ್ನು ತಮಿಳು, ಇಂಗ್ಲಿಷ್, ಹಿಂದಿ, ಮಲಯಾಳಂ, ತೆಲುಗು, ಕನ್ನಡ, ಪಂಜಾಬಿ ಮತ್ತು ಒರಿಯಾ ಭಾಷೆಗಳಲ್ಲಿ ವಾಟ್ಸಾಪ್‌ನಲ್ಲಿ ಪಡೆದುಕೊಳ್ಳಲು *+91 94440 11864* ಈ ಸಂಖ್ಯೆಯನ್ನು ಸಂಪರ್ಕಿಸಿ.

 

www.vmm.org.in

ಈಮೈಲ್:- info@vmm.org.in

Android App: https://play.google.com/store/apps/details?id=com.infobells.vmmorgin

        

ವಿಲೇಜ್ ಮಿಷಿನರಿ ಮೊಮೆಂಟ್ ವಿರುಧುನಗರ್, ಇಂಡಿಯಾ-626001

ಪ್ರಾರ್ಥನಾ ಅವಶ್ಯಕತೆಗಾಗಿ :- +91 93455 40482